ഞാന്‍

My photo
ഇരിട്ടി കണ്ണൂര്‍, കേരളം, India

26 February 2012

പ്രളയകാലം



1

പെയ്തു നിറയാന്‍
ഞാനുള്ളതുകൊണ്ട് മാത്രം
നീ ഒരു നദി !

ഒഴുകിവന്നു ചേരാന്‍
ഞാനുള്ളതുകൊണ്ട് മാത്രം  
നീ ഒരു കടല്‍ !

മഴ തോര്‍ന്ന്
പ്രളയകാലമൊടുങ്ങുമ്പോള്‍
നീ എന്ത് ചെയ്യുമെന്നാണ്..

ഒരു ചാവുകടലായ്
വെറുതെ അങ്ങനെ കിടക്കുകയല്ലാതെ .....




2
വസന്തവും
ചെറിമരവും


എല്ലായ്പ്പോഴും
അങ്ങനെയാകണമെന്നില്ല


ഇടയ്ക്ക് എപ്പോഴെങ്കിലും  നീ
തടശിലയെന്നോ
തരംഗലീല
യെന്നോ പറയൂ .

അല്ലെങ്കില്‍
കാറ്റെന്നോ 

കരിമ്പനയെന്നോ ....

കോളറകാലത്തെ പ്രണയം
അടച്ചു വയ്കൂ


എന്നിട്ട്
ഈ പ്രളയകാലത്തിന്റെ
കൊലവെറിയെ   
കുറിച്ച്
പറയൂ



ഋതു ഭേദങ്ങള്‍ക്കിടയിലൂടെ
ഒരുനാള്‍
പ്രളയകാലം വരുന്നു.

കൊടുമുടികളില്‍ ചുംബിച്ച്
മലഞെട്ടുകള്‍ കടിച്ചു പറിച്ച്
തരുരാജികള്‍  പിഴുതെടുത്ത്
നിമ്ന്നോന്നതങ്ങളിലൂടെ
താഴ്വരകളിലേക്ക് പാഞ്ഞൊഴുകി
നിന്നില്‍ വിലയം പ്രാപിച്ച്

ഋതു ഭേദങ്ങള്‍ക്കിടയിലൂടെ
ഒടുവില്‍ ഒരുനാള്‍
പ്രളയകാലം തിരിച്ചു പോകുന്നു.

പ്രളയ വേളയില്‍
നമുക്ക്   കര അരുത് !
നമ്മില്‍ കവി അരുത് !
 

പ്രിയേ
ഋതു ഭേദങ്ങള്‍ക്കിടയിലൂടെ 

ഞാന്‍ പോവുകയായി....

അരുത് ,
കരയരുത് !
കവിയരുത് !

ഇനിയൊരു
പ്രളയകാലം വരും വരെ
നീ കര കവിയരുത് ...




9 comments:

സങ്കൽ‌പ്പങ്ങൾ said...

അരുത് ,
കരയരുത് !
കവിയരുത് !

ഇനിയൊരു
പ്രളയകാലം വരും വരെ
നീ കര കവിയരുത് ...

കൊമ്പന്‍ said...

എല്ലാം പ്രാ പന്ജികം

Satheesan OP said...

നന്നായി അഭിനന്ദനങ്ങള്‍ ..

കാവ്യജാതകം said...

നന്നായി,
ആശംസകൾ....
സുഹൃത്തെ

viddiman said...

ഇഷ്ടമായി..

ഷാജു അത്താണിക്കല്‍ said...

പ്രിയാ വരികൾ കൊള്ളാം 
ആശംസകൾ

ഇലഞ്ഞിപൂക്കള്‍ said...

നന്നായിട്ടുണ്ട്..

Ranjith Jayadevan said...

deepasthambham mahashchairyam!

Anil cheleri kumaran said...

പെയ്തു നിറയാന്‍
ഞാനുള്ളതുകൊണ്ട് മാത്രം
നീ ഒരു നദി !

ഒഴുകിവന്നു ചേരാന്‍
ഞാനുള്ളതുകൊണ്ട് മാത്രം
നീ ഒരു കടല്‍ !

മനോഹരം..!